Zara Si Dair Mein Ham Kaisay Kholtay Usko
Tamaam Umer Lagi Jhoot Boltay Usko
Jisay Kasheed Kia Tha Khumaar-e-Khushbuu Se
Misaal-e-Rang Hawaaon Mein Gholtay Usko
Wo Khwaab Mein Hee Utarta Shuaa-e-Subah Ke Saath
Ham Apnay Aap Hee Palkon Pe Toultay Usko
Wo Ashk Tha Ose Aankhon Mein Dafan Hona Tha
Gohar Na Tha Ke Sitaaron Mein Roltay Usko
Wo Be-Wafa Tha Tou Iqraar Lazmi Karta
Kuch Aur Dair Meri Jaan Tatoltay Usko
Kisi Ki Aankh Se “Mohsin” Zaroor Peeta Hai
Tamaam Sheher Ne Dekha Hai Doultay Usko...
No comments:
Post a Comment