Wafa k rooth jane per ghazal takhliq hoti hy,
Kbhi Saajan manany per ghazal takhliq hoti hy.
Main lafzon k samandar mein mila deta hun sochon ko,
Phir unki yad aany per ghazal takhliq hoti hy.
Mere ander jo panchi qaid hy sanson ki zandaan mein,
Usi k pharpharany per ghazal takhliq hoti hy.
Chaman mein raqs karti hy saba jo phool k aagy,
To un k muskurany per ghazal takhliq hoti hy.
Mujhe aata nahi hy shair likhna aik bhi lekin,
Tumhari yad aany per ghazal takhliq hoti hy...
No comments:
Post a Comment